Со одлуката на Уставниот совет на Франција од
10 мај 2017 година, а согласно резултатите од одржаните избори за претседател,
Емануел Макрон е формално прогласен за 25 претседател на Француската Република,
односно 8 претседател на Петтата Француска Република.
Во вториот круг од претседателските избори,
што се одржаа во неделата (07 мај), Емануел Макрон освои 20.743.128 гласови (66,1%),
а неговиот ривал, лидерката на екстремно десничарската партија Национален
фронт, Марин Ле Пен, освои 10.638.475 гласови (33,9%), покажуваат официјалните
резултати.
Емануел Жан-Мишел Фредерик Макрон е роден на 21
декември 1977 година во Амијен, Франција. Студирал филозофија на универзитетот во Париз,
а во 2004 година дипломирал на Националната школа за администрација. Работел
како финансиски инспектор во Инспекторатот за финансии на Франција, а подоцна станал
инвестициски банкар.
Член на Социјалистичката партија е во
периодот од 2006 до 2009 година. За време на првата влада на Франсоа
Оланд, во 2012 година, бил назначен за заменик секретар, а потоа во периодот од
26 август 2014 до 30 август 2016 година е Министер за економија,
индустрија и дигитални работи во втората влада на Мануел Валс. Како
министер тој спроведува реформи во прилог на бизнисот.
Во април 2016 година Макрон го формира
движењето „Напред!“ (En Marche!), а на 30 август 2016 година си поднесува оставка од министерската позиција,
за потоа да поднесе социјал-либерална кандидатура на претседателските избори во
2017 година.
Француски претседател во заминување Франсоа
Оланд ќе му ја предаде претседателската функција на Макрон в недела, на 14 мај.
Со своите 39 години, тој е најмладиот
претседател во француската историја и најмлад француски водач на држава после Наполеон.
Претседатели на
Француската Петта Република (1959-денес)
1.Шарл
Де Гол, 1959-1969
2.Жорж
Помпиду, 1969-1974
3.Валери
Жискар Д'Естен, 1974-1981
4.Франсоа
Митеран, 1981-1995
5.Жак
Ширак, 1995-2007
6.Никола
Саркози, 2007-2012
7.Франсоа
Оланд, 2012-2017
8.Емануел
Макрон, (2017-актуелен)
Comments
Post a Comment